MICHAEL OLUNGA AITESA YANGA, CANNAVARO AKOSA PENATI

Michael Olunga

YANGA YAPOTEZA MECHI YA KWANZA

Yanga wameanza vibaya Mashindano ya Klabu Bingwa ya Afrika Mashariki na Kati, CECAFA KAGAME CUP, baada yyya kufungwa 2-1 na Gor Mahia ya Kenya katika Mechi ya Kundi A iliyochezwa Uwanja wa Taifa Jijini Dar es Salaam.

Yanga walianza vyema Mechi hii kwa kupata Bao Dakika ya 4 tu baada ya Krosi ya Straika wa Zimbabwe Donald Ngoma kukatwa na Beki wa Gor, Dirkir Glay na kutinga wavuni.

Lakini Dakika ya 16 tu, Gor walisawazisha baada ya Frikiki ya Glay kuunganishwa kwa kichwa na Shakava.

Balaa kwa Yanga liliendelea katika Dakika ya 25 baada Ngoma kupewa Kadi ya Njano ya Pili na kutolewa nje kwa Kadi Nyekundu.

Gor walipata Bao lao la Pili Dakika ya 46 kupitia Michael Olunga.

Yanga wangeweza kuambua Sare licha ya kucheza muda mrefu wakiwa pungufu walipopata Penati Dakika ya 76 baada ya Beki wa Gor kuunawa Mpira lakini Kepteni Nadir Haroub ‘Cannavaro’ alipiga Staili ya Panenka na Kipa Boniface Olouch kuokoa Mpira huo.

VIKOSI:

KIKOSI CHA YANGA

Ally Mustafa ‘Barthez’, Juma Abdul [Joseph Zuttah, Dakika ya 75], Mwinyi Haji, Kevin Yondan, Nadir Haroub ‘Cannavaro’, Mbuyu Twite, Simon Msuva [Kpah Sherman, 69], Haruna Niyonzima, Amisi Tambwe, Donald Ngoma, Deus Kaseke [Salum Telela, 84] 

KIKOSI CHA GOR MAHIA

Boniface Olouch, Mussa Mohammed, Sibomana Abouba, Harun Shakava, Kari Nzigiyimana, Dirkir Glay, Khalid Aucho [Erick Ochieng, Dakika ya 89], Godfrey Walusimbi [Ronald Omino, 86], Innocent Wafula [Enock Agwanda, 86], Medie Kagere, Michael Olunga.

Share on Facebook Share on Twitter Share on Google Plus

About Habari Duniani

WELCOME TO MICHEZOTU (SPORTS ONLY) WHICH IS PART OF HABARI DUNIANI MEDIA GROUP. WE ALWAYS BRING TO YOU ANALYTICAL NEWS IN YOUR FINGER TIPS. TO ADVERTISE WITH US, EMAIL US VIA habariduniani@gmail.com