Baada
ya danadana za muda mrefu hatimaye klabu ya Simba inatarajia kumtangaza
hadharani Kocha Mkuu wa timu hiyo.
Simba
itamtangaza kocha huyo kutoka Uingereza leo Jumatatu kwenye mkutano wake na
wanahabari utakaofanyika saa 5 asubuhi jijini Dar es Salaam.
Uongozi
wa Simba utalitaja jina la kocha huyo pamoja na wasaidizi wake akiwamo kocha wa
makipa kutoka AFC Leopards ya Kenya, Abdul Idd Salim. Mbali na utambulisho wa
kocha huyo mpya, Simba pia itatangaza msimamo wao baada ya TFF kuridhia idadi
ya wachezaji saba badala ya 10 walioombwa na klabu za soka nchini sambamba na
usajili wao unavyoendelea.
Taarifa
zilizopenyezwa Mwanaspoti na mmoja wa Wajumbe wa Kamati ya Utendaji ya klabu
hiyo ni kuwa awali mkutano huo na wanahabari ungefanyika JB Belmonte Hotel, lakini
hoteli hiyo kwa sasa imefungwa na viongozi walikuwa wanahaha kuhamishia
kwingine.
Simba
inayotarajia kuanza kambi yake ya mazoezi kwa msimu ujao Julai Mosi, haina
kocha baada ya kuzinguana na aliyekuwa kocha wao Goran Kopunovic kutoka Serbia
aliyemaliza mkataba.
0 comments:
Post a Comment